खबर जागरण न्यूज़ 
खोंगापानी मं यात्री प्रतीक्षालय बदहाल, स्वच्छता अभियान के उड़त धज्जियां
मनेंद्रगढ़।जिला मुख्यालय मनेंद्रगढ़ के अंदर आवत नगर पंचायत खोंगापानी मं स्वच्छता अभियान के हालत बहुत खराब नजर आथे। इहां नागरिक मन बर बनाय गे यात्री प्रतीक्षालय मं गंदगी के अंबार लगे हवय।
नियमित सफाई अऊ रख-रखाव नई होय के सेती प्रतीक्षालय अब खंडहर कस बनत जावत हवय। जगह-जगह कचरा, मकड़ी के जाला अऊ मवेशी मन के मल-मूत्र पड़े हवय, जेन से यात्री मन ला बैठे मं भारी दिक्कत होथे। कई बेर लोगन मन ला खुले मं खड़े होके गाड़ी के इंतजार करे ला मजबूर होना पड़थे।
स्थानीय लोगन मन बतावत हें के ये प्रतीक्षालय अब शराबखोरी अऊ दूसर असामाजिक काम-काज के अड्डा बन गे हवय, जेन से महिला, बुजुर्ग अऊ आम नागरिक मन ला असुरक्षा के माहौल बने हवय।
गांव अऊ मोहल्ला के लोगन मन नगर पंचायत प्रशासन ले मांग करत हें के यात्री प्रतीक्षालय के जल्दी ले जल्दी साफ-सफाई कराय जावय, नियमित देखभाल होवय अऊ असामाजिक गतिविधि मं रोक लगाय जावय, ताकि आम जनता ला ये सुविधा के सही लाभ मिल सके।
राजेश सिन्हा 8319654988
